Queda instalado na columna da dereita unha ligazón permanente aos recursos do CEIDA -Centro de Extensión Universitaria e Divulgación Ambiental de Galicia-. Alí atoparedes diversidade de recursos, incluídas exposicións "virtuais", e a posibilidade de centrarnos en contidos moi concretos, como a loita contra o cambio climático ou o coidado dos nosos mares.
Desde o C.E.I.P. Centieiras, en Fene, chéganos un dos recursos incluídos no seu blog, un GENIALLY para explorar cada un dos O.D.S. O alumnado deseñou e gravou pequenos videos para darnos a coñecer cada un dos obxectivos. Témolo tamén explicado en lingua de signos. Queres aprender a facelo?
Diversas entidades desenvolven programas educativos dentro dos seus plans para dar cumprimento á súa particular Axenda 2030. Este da Caixa é un exemplo do que podemos tirar materiais para educación emocional, ou inspirarnos se queremos desenvolver actividades neste campo.
As imaxes que se producen para representar os O.D.S. son moi diversas. Ademais da oficial, moitas páxinas, como esta de "PRODIGIOSO VOLCÁN", idearon unha con "emojis". Queredes probala? Premede na imaxe.
Os Dereitos do Neno (ou Dereitos da Infancia) son dereitos que posúen os nenos, nenas e adolescentes polo simple feito de nacer. Son inalienables, irrenunciables, innatos e imprescindibles para unha boa infancia.
A primeira declaración de Dereitos do Neno foi redactada por Eglantyne Jebb, fundadora de Save the Children, e aprobada pola Sociedade de Nacións en 1924.
En 1959, a Asemblea Xeral da O.N.U. aproba unha Convención sobre os Dereitos do Neno, que constaba de 10 principios que concretaban para os nenos os dereitos aprobados na Declaración Universal dos Dereitos Humanos de 1948.
Queda instalado na columna da dereita unha ligazón permanente aos recursos do CEIDA - Centro de Extensión Universitaria e Divulgación Ambi...
